Hvers virði er farsíminn?

Fyrir átta dögum þá tók ungur maður sig til hér í Windhoekborg og hrifsaði farsíma af 16 ára stúlku og hljóp á braut. Sá líklega fyrir sér auðveldan ránsfeng.

 Þvílík mistök.

Töluverður hópur fólks var þarna á ferli og tók fjöldi þeirra sig til og hófu að elta þjófinn uppi. Eltingarleikurinn barst meira en kílómetra í burtu og þegar þjófurinn kom að stóru uppistöðulóni grýtti hann símanum frá sér, reif sig úr bolnum og stakk sér til sunds.

Sást hvorki tangur né tetur til hans, þó lengi væri beðið.

Nú, átta dögum síðar, kom í ljós að þjófurinn var ekki syndur. Lík hans rak nefnilega að landi í gær, nær alveg á sama stað og hann steypti sér út í lónið.

Hversu mikils virði er farsíminn?

Athugasemdir

[Eiður Guðnason (IP-tala skráð) 31.8.2007 kl. 21:23]

Sæll Vilhjálmur,

Fyrir einum sex  eða  sjö árum var ég á gangi  á aðalgötunni  í Windhoek og var að   bíða  eftir að  fara út á  flugvöll og  fljúga  áleiðis heim. Þá  stansaði ungur piltur  15-16 ára  fyrir  framan mig,  þreif farsímann minn,  en það sást í loftnetið   í brjóstvasa mínum. Mér tókst að ná  af honum  símanum, - hann klóraði mig að  vísu  svolítið á hendinni.Svo  hljóp hann á brott eins og  fætur toguðu. En  svo  vitlaus  var ég  sextugur  karlinn að  ég  reyndi að  hlaupa á  eftir  honum  alveg  fjúkandi reiður ! Hann stakk mig  auðvitað  snarlega  af .  Margir  voru  vitni að þessu , en  enginn hreyfði legg  né  lið til að handsama piltinn.

Þegar ég  sagði frá þessu  sögðu menn bara: Hann hefur örugglega verið  frá  Angola !  -